Sorkar mapa inyakertemi pei indang rongsen memetetdaktsüi atatsü : Centre

New Delhi, December 20 (Agencies) : Lokpal Act kübok Central government employee temi December 31 tashi nung parnok indang rongsen aser sentsühtem metetdaktsütsüla ta anogo züngzükja liaka, osang memetetdaktsü yonga kecha masü kechiyong Centre sorkari iba asoshi ozüng tasen kar yangludar.
Lokpal Act nung rongsen aser sentsühtem aliba osang metetdaktsütsü lateta alibatem meyipa reprangshimdar, ta Centre sorkar indang office memorandum ka nung metetdaktsü.
Taküm July ita Lokpal and Lokayuktas Act arla 44 kübok December 31 tashi nung central government employees-i pei indang rongsen aser sentsühtem osang tejangja metetdaktsütsü tetuyuba agüja liasü.
Linük nung central government employees lakh 50 shi ka lir.