Sorkar mozükitem nung Special Cleanliness Drive alitsü

Dimapur, February 12 (TYO) : Swachh Bharat Mission nung shilem ka ama Government Hospital ajak nung February 15 nungi 18, 2016 tashi Special Cleanliness Drive alitsü.
Iba ya Department of Health & Family Welfare, Nagaland ajanga ayongzüker aser district Hospital, Community Health Centre, Primary Health Centre, Mental Hospital, TB Hospital aser Nursing Institute ajak nung inyaktsü, ta DH&W Nodal Officer, Quality Assurance, Dr.Thanghoi Lam-i sangdong ka nung metetdaktsü.
Nütsüng yongsük shilem tulubalen temang anema ayutsüba maparen nung Public Health Care facility temi tongti shilem agir. Mozükitem merükmejua ayuba aser temang anepaluba ajanga tashidak menatepba noktanger aser ano shirangertem tzü-mopung tajung nung amunger, ta Dr.Thanghoi Lam-isa sangdong nung metetdaktsü.
Public Health Care Facility tem nung merükmejuba, temang anealuba aser Infection Control maparen nükjidong nung iba sentong ayongzüker, ta paisa shisem.

You must be logged in to post a comment Login