Sorkar school tem nung E-Learning osettem amenoker

Dimapur, November 19 (TYO) : Nagaland Angh, P.B. Acharya aser Mumbai nungi NGO, INFC (Indian National Fellowship Centre) nati ketdangsüa inyakba ajanga Rotary Club of Bombay North-i Nagaland nung aliba Government Higher Secondary Schools 28 nung E-Learning sets enoktsütsü.
Taruba küm asem tsüngda Nagaland kübok district 11 nung Wockhardt Foundation (Multinational Pharmaceutical and Biotechnology Company) ajanga e-learning machine tem enoktsütsü. Iba telok indang teseptiji Mumbai nung lir aser iba mapa asoshi school tem den MoU agiteptsü.
Mezüngbuba shilem nung Kohima aser Dimapur nung aliba school tem nung mapa inyak aser Kohima district nungi Ruzukhrie GHSS, Seikhazou GHSS, Tseminyu GHSS o T.M. GHSS aser Dimapur District nung Govt. Higher Secondary School, (Half Nagarjan) nungertem lir.
Sorkar school 5 nung e-learning equipments enokba mapaji November 14, 2016 nü tembang.