Sorkar school temi takok junga manguba atema khuret abener : Acharya

Guwahati, June 19 (Agencies) : Assam Angh, P.B Acharya-i chief minister Sarbananda Sonowal dang HSLC aser HS tatidang nung sorkar school temi takok jung manguba atema khuret lemsatepogo.
Tematiba takok angurtem timba nija school nung azüngertem lir aser sorkar school katia takok tajung mongutet, ta Angh-isa Sarbananda dang ashi.
Acharya-isa ashiba agi, tematiba takok angurtemji district kar nungi dang lir aser tribal kaketshirtembo mali, ta metetdaktsü.
Iba ya khuret süa abentsüba onük ka lir aser mapa inyaktsüla. Taoba küm asem tsüngda educational sector nem budget lemzüktsüba indang “white paper” ka adoktsüla aser sorkar school tem o nija school tem indang results medemdang nung ajungtsü, ta Assam Angh-isa chief minister den tebilemba lemsatep.
Assam nung education sector nung temelenshi tulu nüngdaker aser talisa sorkar school tem nung education quality ajungkettsüla, ta paisa metetdaktsü.