Sorkar sentongtem nungi tasüngdangbatem langzütsü atema PM Modi-i nüburtem ayongzüker

New Delhi, May 30 (Agencies): Hombarnü Ato kilonser, Narendra Modi-i, tesüiba küm ana nung par sorkari inyaktetbatem nungi online ajanga tasüngdangbatem nung shilem agitsü ayongzükogo.
Twitter ajanga Ato kilonser Modi-i, “Sorkar yimsüsüba nungi tasüngdangbatem. Nenok kwi kati shitak langzütetdir reprangdangdi. quiz.mygov.in,” ta ashi.
Modi-i tweet asüba web-link “https://quiz.mygov.in/” nung site ka lapoktsü, iba nungji, item tasüngdangbatem ajanga nüburtemi sorkar sentongtem taliba jangjatsü, ta shia lir.
Iba website tongti tapak nung, “Sorkar yimsüsüba tajungba akümtsü atema tesüiba küm ana nung India sorkari inyakba indang nai-a koba tashi ka meteta lir (?) Iba onük nung tasüngdangbatem langzütsü atema na renema lir ma (?)” ta asüngdanga lir.
“Ozü sorkari na arua nü shisatsü tendangtsü ayongzüker. Nai telangzübaji memetetyonga sorkar sentong balala jangjatsü atema shilem agiang, na tia kara nai takok agutsü,” ta shisema lir.
Online ajanga iba tasüngdangba tembangba sülen telangzübatem agütsütsü.
Iba site nungsa takokertem atema sempet metetdakja lir. “Ato kilonser Narendra Modi-i sign asüba certificate angutsü, aser pa ajurutsü maongka angutsü,” ta website nungsa shia lir.