Sorkar tasen tentettsüsa telok shingaia takok nguteta mali: Erdogan

Ankara, June 08 (Agencies): Yashi Deobar nü agiba Turkey parliamentary election nung Turkey indang sorkar tasenba tentettsüsa yimtenren telok kati danga takok monguteti aliba olen ka Turkey Tir, Tayyip Erdogan-I tanü Hombar nü metetdaktsüogo.
Ajisüaka, par Turkey nung tensa junga lidaktsütsü tangatetba nung yimtenren telok ajungai nungdakba maparen inyakteptsü tajungshiba olen ka pai tanü metetdaktsü.
“Yashi agiba election nung yimtenren telok kijai Turkey linük indang sorkar tasenba tentettsüa takok nguteta mali.Aji oda, Turkey nung tentetba yimtenren telok ajungai tan election agiba osang ya agizüka timtem madoktsütsü ajungshir,” ta pai nenshia ashi.
Erdogan-i tentetba aser Turkey linük indang yimsüsütsü tashi abenba AK Party-i tan mezüngsüa election nung vote timba monguteti aliba osanga jangjaogo.