New Delhi, March 05 (Agencies): NDA sorkari taküm budget nung taoba mapang Ato kilonser, Rajiv Gandhi nüngtem nung ajaba scheme pezü intokogo.
NDA sorkar nung majority party, BJP-i Rajiv Gandhi tenüngji tangar tenüng agi memelen ajsüaka Rajiv Gandhi tenüng intok.
Panchayati Raj ministry kübok Rajiv Gandhi Panchayat Sashaktikaran Abhiyan scheme dang April 1 nungi Rajiv tenüng intoker Panchayat Sashaktikaran Abhiyan ajatsü.
Iba scheme ya Congress-i aniba United Progressive Alliance sorkar mapang tenzük aser party-i, panchayati raj inyakyim melenshitsü sangji Rajiv Gandhi lir ta jembia arur.
Ano Rajiv Gandhi National Fellowship for Students with Disabilities scheme dang National Fellowship for Students with Disabilities scheme ajatsü. Iba atema department-i office sangdong ka ajanga metetdaktsüogo.
Maneni Rajiv Gandhi National Fellowship for Scheduled Castes dang National Fellowship for Scheduled Castes ta ajatsü aser saisapong jenjang ajungkettsü nükjidong nung tenzükba scheme, Rajiv Gandhi Khel Abhiyan dang Khelo India scheme ta ajatsü.
Tamalena NDA sorkari Rajiv Gandhi indang scheme nüngja melena liasü.
You must be logged in to post a comment Login