Sorkari Chief of Naval Staff tasen shim

New Delhi, March 23 (Agencies): Taruba Chief of Naval Staff inyaktsü atema sorkari Vice Admiral Karambir Singh shimogo. Pai Admiral Sunil Lanba melenzüktsü.
May 31, 2019 nü Sunil Lanba mapa nungi anisüngzüktsü.
Taoba mapang Karambir Singh ya Eastern Naval Command nung Flag Officer Commanding-in-Chief liasü.
Singh ya July 1980 nung Indian Navy nung commissioned asü aser 1982 küm helicopter pilot ka ama inyaktsü tenzük. Pa ya Defence Services Staff College, Wellington aser College of Naval Warfare, Mumbai nung graduate ka lir aser reju anaprong nung Directing Staff ama inyakogo.
Küm 36 tashi inyaka arudang Admiral Singh-i Indian Coast Guard Ship, Naval Missile Corvette aser Guided Missile Destroyers ketdangsüogo. Paisa Western Fleet nung Fleet Operations Officer ama inyak.