Sorkari DA shilem 2 tutsür

New Delhi, October 27 (Agencies): Diwali benjung nüngtem nung tanü Centre sorkari Dearness Allowance (DA) shilem 2 tutsüogo, koba ajanga sorkar mapa inyaker lakh 50.68 aser pensioner lakh 54.24 ajangzüktsü.
Basic pay nung DA shilem 2 tutsütsü atema Union Cabinet-i lemtet aser ibaji July 1, 2016 nungi mapa akumtsü.
DA shilem 2 tutsüba ajanga küm shia senpong nungi crore 5,622.10 intoktsü, ajisüaka ita 8 (July-February 2016-17) atemabo sen crore 3,748.06 dang asütsü.
Taküm March ita nung Centre sorkari DA shilem 6 tuja shilem 125 akum.
“Osettsüset nung jenjang atuba atema Union Cabinet-i July 1, 2016 nungi Central sorkar mapa inyakertem nem DA tutsütsü aser Pensioners nem revised Basic Pay/Pension nungi Dearness Relief (DR) shilem 2 tutsütsü agizükogo,” ta sorkar sangdong ka ajanga metetdaktsü.
Kasa sangdong ajangasa, DA tutsübaji 7th Central Pay Commission-i benokbatem nung ajemdaker lateta aliba ama tutsür, ta ashi.