Sorkari Dimapur nung sen crore 6.66 agi kimung 4 alizük

Dimapur, December 4 (TYO): Nagaland nung Planning & Co-ordination Department-i 2013-2014 aser 2016-17 nung Dimapur district kübok tesem pezü nung project inyaktsü atema kimungtem alizük.
December 20, 2016 nü Planning & Co-ordination Department-i Dimapur Deputy Commissioner dangi kimung pezü atema cheque 8 nung sen crore 4. 53 agütsü aser 2013-14 nunga project ana atema sen 12, 00, 000 aser sen 2, 00, 64, 325 lemzükja liasü, ta Information & Publicity Cell, Nagaland Public Rights Awareness and Action Forum-i metetdaktsü.
Project balala atema sen lemzüktsüba nung Agur Factory atema sen crore 5.66 agütsüba atema kanga süngmanger aser kimung nungji Factory yanglua lir asü mali mesüra iba dak sendakba mapa tenzük asü metenzük ta NPRAAF-i kanga rata bilemer. Tanga district tem nunga Agur Factory lapoktsü atema senotsü aika lemzüktsüogo ta osang angazüker, ta Information & Publicity Cell-isa ashi.
Department-i project pezü dak sendakba osang aser district balala nung kimungtem alizükba osang public nem metetdakjang ta NPRAAF-i ayongzüker ta I&PC-isa metetdaktsü.
Kimung aser project tem:
1. Thahekhu Village, Dimapur nung Rs 52, 72, 670 agi 220 KV Power Line atema ali tasazük 40, 559 sq ft alizük. (December 20, 2016 nü sen agütsü.)
2. Niuland kübok Hovishe Village nung Rs 25, 28, 810 agi 1st NAP Company amenoktsü atema ali tasazük 252881 sq ft ali. (2013-14 nung Rs 12, 00, 000 aser 2016-17 nung Rs 13, 28, 810 agütsü.)
3. Razaphe Basa, Dimapur nung Rs 5, 66, 29, 800 agi Agur Factor lapoktsü atema ali tasazük 28.88 acres (1258440 sq ft) alizük. (2013-14 nung Rs 2, 00, 64, 325 aser 2016-17 nung Rs 3, 65, 65, 470 agütsü.)
4. Sovima, Dimapur nung Rs 22, 08, 106 agi 20 MWA 66/11 KV Sub-station amenoktsü atema ali tasazük 20257.85 sq ft alizük. (December 20, 2016 nü sen agütsü.)
Kimung pezü atema 2016-17 nung sen Rs 4, 53, 75, 056 lemzüktsü aser 2013-14 nung züngdangba 2 aser 3 nung aliba project tem atema part payment Rs 6, 66, 39, 386 lemzükja liasü.