Sorkari Dr Ambedkar indang stamp sayaogo aser coin sayatsü

New Delhi, September 30 (Agencies): Bodhbar nü sorkari Dr B R Ambedkar nüngtem nung stamp ka sayaogo aser kobi melii pa nüngtem nung sen jandi adoktsü, ta metetdaktsüogo.

Tanü Communications & IT Minister, Ravi Shankar Prasad-i Dr Ambedkar indang stamp sayatsüogo. Taküm Ambedkar asoba 125buba benjungmung sorkari amunger.

Sen jandiji lokti nung temelenshi adokdaktsüsang Ambedkar nüngtem nng adoktsü aser ibaji Finance Ministry-i agizükogo.

“Dr Ambedkar nüngtem nung sen jandi adoktsüji anogo asem tejaklen Finance Ministry-i agizükogo,” ta Minister of Social Justice & Empowerment Thawar Chand Gehlot-i ashi.

Iba sentong nung jembidang Prasad-i, kechiba Dr Ambedkar asüba sülenang kanga menor pa nem Bharat Ratna agütsü (?), ta shia liasü.

Dr Ambedkar ya 1956 küm aso saka pa nem 1990 küm nungang highest civilian award, Bharat Ratna agüja liasü.