Sorkari financial year ya Jan-Dec asütsü bilemdar: Jaitley

New Delhi, July 21 (Agencies): Hokolbarnü Union Finance Minister, Arun Jaitley-i tatartem dang, tang linük indang financial year April nungi March tashi aliba ya January nungi December tashi asütsü atema sorkari bilemdar, ta metetdaktsü.
“Financial year melenshitsü atema sorkar tebilemba lir,” ta Jaitley-i Lok Sabha senden nung metetdaktsü.
Tawa iba onük ya sorkari akümba committee kati junga asadanga liasü. Iba luden nung mendenbubaji taoba mapang Chief Economic Adviser, Shankar Acharya liasü, aser committee nungi report nguogo, ta Finance Minister-isa metetdaktsü.
2018 February ita nung budget benoktsü alibaji taküm November mesüra December itai atsüzüktsü asü, ta asüngdang, saka pai telangzüba magütsü.
Sorkari Financial year mapangji melenshira tax ozüngtem densema ozüng aika yanglushitsüsa akumtsü.