Sorkari gari aser kiojentem sottsü: CEO

Dimapur, Aenjeti (January) 5 (TYO): Nagaland Legislative Assembly, 2018 indang General Election agitsü aliba atema state kübok Deputy Commissioner aser District Election Officer temi state sorkar tenüng nung garitem, kiojen sota ayutsü mapa lemzüktsür, ta Chief Electoral Officer-i sangdong ka nung metetdaktsü.
R.P. Act of 1951 nung Arrla 160 nungi Arrla 165 kübok State sorkari iba tetuyuba agütsür aser sota ayuba nija mesüra telok/reju indang gari, kiojentem atema temenok agütsütsü, ta Chief Electoral Officer-isa metetdaktsü.