Sorkari GST atema call centre lapokogo

New Delhi, August 6 (Agencies): India nung shishilembar, osettsüset yanglur aser yokyayokjirtemi Goods and Services Tax (GST) system tasenba tali tejangjaba metettsü merangba mapang, sorkar department balalai GST atema teyaritep lenmang balala lapokogo.
July 1, 2017 nungi mapa küma tenzükba GST dak sendakba onüktem jangjashitsütsü mesüra tasüngdangbatem langzütsü atema sorkari call centre 2 lapokogo, ta Ministry of Finance-i metetdaktsü.
“Call centre temi tasüngdangbatem langzür aser osangtsüsang metetdaktsür. GSTN helpdesk ji küm 5 aser CBEC Mitra Helpdesk ji küm 7 atema sorkari contract agiogo” ta Rajya Sabha nung Minister of State for Finance, Santosh Kumar Gangwar-i ashi.
GST atema call centre 2:
1. GST Application software: Iba call centre ya GSTN mesüra GST Network ajanga lapok aser ketdang asür.
Iba call centre den phone number 0120-4888999 aser email helpdesk@gst.gov.in ajanga tongteprateptsü akok.
2. CBEC Mitra Helpdesk: Iba call centre ya GST dak sendakba tasüngdangbatem langzür. Iba centre ya Central Board of Excise and Customs ajanga ketdang asür.
Iba call centre den phone number 1800-1200-232 aser email cbecmitra.helpdesk@icegate.gov.in ajanga tongteprateptsü akok.