Sorkari Industrialist kar atema inyaker: AAP

New Delhi, Oct 22 (Agencies): Honibarnü AAP-i, Centre-i linük nung aluyimertem atema masü saka industrialists atema inyaker, ta aitsü.
AAP lenir, Ashish Khetan-i ashiba agi, Union Agriculture Minister, Radha Mohan Singh-i  Centre-i aluyimertem nem Minimum Support Price (MSP) shilem 50 tashi magütsütettsü ta sangdongbaji aluyimertem ashioktsüba lir, ta ashi.
Paisa, 2014 election mapang Ato kilonser Modi-i aluyimertem nem MSP shilem 50 agütsütsü nangzüka liasü saka tangbo  nangzüka aliba ama meinyaker, ta aitsü.
“Iba onük ya onoki Punjab nung benoktsü. Modi sorkari nangzükba ama inyaktsüla, mesüra aluyimertem dang tatok meshitsüla,” ta paisa ashi.