Sorkari ITIs 400 jungnüa agienogo

New Delhi, October 22 (Agencies): Linük nung aliba Industrial Training Institutes aika nung kaketshirtem nem training agutsütsü atema infrastructure aser training agutsür peria mali, aser item ama ITS 400 jungnüa sorkari de-affiliate sütsüogo.
Linük nung aliba Industrial training institutes (ITIs) 13,000 nungi ITI 400 shi indang züngsem agienogo, ta Ministry of Skill Development & Entrepreneurship nung Joint Secretary, Rajesh Agarwal-i metetdaktsü.
“Onoki itemji mita repranger, onoki infrastructure peria ali-ali repranger, aser lateta aliba ama training agütsürtem alitsüla,” ta pai ashi.
“Item nungji matoksaba lira item ITIs ji de-affiliate sütsür, kechiyong ITI ji NCVT (National Council for Vocational Training) level nung lira telatetba nung aliba ama infracture aser trainer peria alitsüla,” ta Agarwal-i ashi.
Sorkar indang vocational training programmes ji industrial training institutes (ITIs)-i repranger aser item ITIs ajanga tenüng züluoka aliba nisung million 7 nungi shilem 36 shi repranger.
Agarwal-i ashiba agi, tang tashi nung star rating system kübok ITIs 5,100 shi züngokogo.
“Iba ya voluntary inyakyim ka lir. Incentives aser grading atema onoki inyaker. Grade anguba ITIs tajungtem nem parnok aintsü atema incentives agutsütsü, ajisüaka grade mangurtembo tanem-tanemi agientsü,” ta paisa shisem.