Sorkari Medziphema jila nung terenlok mapa sendoker

Dimapur, April 23 (TYO): Medziphema town nung Zero point, Town junction nungi SASRD Gate tashi gari lenmang yanglushiba dak sentakba nung state sorkari zübazülema toktsüba, aser iba onük nung MTYO-i osangkakettem ajanga aiben metetdakja takhangba agüjaaka mataloktsüba ajanga Medziphema Town Mechü Krotho (MTMK) aser Medziphema Town Public Organisation (MTPO)-i iba osang sangdongtsüsa akümer, ta tanü MTMK Tir Akhoto Kuotsu, MTMK tongti tezülur Khrielie Iralu, MTWO Tir, Rüüzeü Khate aser MTWO Tongti tezülur Kelengunuo Zumvu nungeri külem sangdong ka nung metetdaktsü.
“Road Repair Work Order atema sen 47,07,000 lemzükja liasü, ajisüaka contractor-i ongken dang yanglushi, aser ibajia iba mapa tembangba mezüng ita tsüngda nungsa mejungi kümogo,” ta parnoki sangdong nung shia lir.
“Tang aliba state sorkarisa tang tashi 2015 küm Medziphema jila nung tenzükba Infrastructure Development mapa atema telangzüba magütsür, aser telok ana tsüngda tezüngzüktep (Memorandum of Understanding) agiaka mapa ajakji anendakogo,” ta parnokisa ashi.
“Tanurtemi ochi temeten aginüa ajeper saka tsüraburi (sorkar) zübazülema toktsür aser onok indang tim takhangba anema tekong meranger. Anungji MTMK (Public Organisation) aser MTWO-i MTYO nungita tatembang telemtetba tatembang ka dangi maru tashi iba atema inyaktsü,” ta parnokisa metetdaktsü.