Sorkari nüngshilung yanglutsü atema sen lakh 60 lemzüktsür

Dimapur, August 20 (TYO): Deobarnü Cabinet-i Urban Local Bodies Election dak sendakba onüktem benoka olemtep aser idangji Nagaland Tribes Action Committee (NTAC)-i akhangba ama Old Secretariat, Kohima nung nüngshilung ka yanglutsü atema sen lakh 60 agütsütsü telemtetba agi.
Cabinet-isa Nagaland Municipal Act, 2002 meyipa reprangshimtsü atema Committee ka shim. Iba Committee nung Convenor ji Temjen Toy, Additional Chief Secretary (Home) asütsü aser züngsemtemji-i Sentiyanger Imchen, Commissioner Nagaland; M. Patton, Commissioner & Secretary of Municipal Affairs; Khanrinla, Secretary of Justice & Law; Dr. Toshi Mannen, Director of Municipal Affairs & Commissioner of Taxes nungertem lir, ta CMO, Nagaland sangdong ka nung metetdaktsü.
Committee-i Municipal Act yanglushitsü atema Tribal Hoho aser iba onük den sendaktepa alir ajak den asüngdangteptsü aser Committee constitution sangdongba anogo nungi tenzüker ita 3 tsüngda osang agütsütsü.
Cabinet-isa Judicial Inquiry Committee dang bushisüngdang maparen mapang melalui inyaktsü aser tekaratiba nung osang agütsütsü teyutsü atema telemtetba agi.