Sorkari online cancer detection course tenzüktsür

New Delhi, Aenjeti (January) 5 (Agencies): India nung non-cancer specialist temi cancer tashidak jelia putettsü atema Union health ministry-i ita tenet indang online course ka tenzüktsüogo.
Iba maparen ya talisa yimtsüngtem aser jilatem dak rangloker inyaker aser oncologist masüba physician, gynaecologist, dentist aser tanga health care professional tem atema lir. Ita tenet indang online course ji Tata Memorial ajanga adokba lir.
Iba online course ajanga cancer yakta putettsü aser anepalu sütettsü. Iba course nung video lectures lir aser ibaji ajanga oncologist temia cancer indang osang aser anepalubayim tali tajungba metettsü akok.
“Iba ya mapa tajung ka lir aser iba ajanga IT ajanga linük nung health outreach aser services tashi itdaktsütsü. Iba mapa ajanga nisung taküm aika kümzüktsü” ta health secretary Preeti Sudan-i ashi.
Online course agiba sülen doctor temji online ajanga tendangtsü.
Centre sorkari Digital India programme tenzükba kübok iba ya shilem ka lir aser iba maparen ajanga meta talang pilar aliba tesemtem nung doctor tem nem osang tejangja metetdaktsütsü.
Iba maparen ya Tata Memorial Centre-i state sorkartem den yaritepa inyaktsü.