Sorkari Plastic agi yangluba sen adoktsü

New Delhi, December 09 (Agencies): Hokolbarnü sorkari Parliament nung, plastic sen menüngtsü atema telemtetba agiogo, ta metetdaktsü.
“Plastic mesüra polymer substrate nung ajemdaker sen menüngtsü atema lemtetogo. Item oset alitsü atema maparen tenzükogo,” ta tanü Minister of State for Finance, Arjun Ram Meghwal-i Lok Sabha senden nung metetdaktsü.
Mapang talangka nungi Reserve Bank India (RBI)-i plastic sen menüngtsü atema sentong yanglua liasü.
2014 küm February ita nung sorkari Parliament dang, senpak 10 indang plastic notes billion ka adoka tsüngsang-mopung balala aliba tesem apir tetendanger amai teshimtet yimti pongu- Kochi, Mysore, Jaipur, Shimla aser Bhubaneswar nung amshitsü, ta metetdakja liasü.
Plastic agi yangluba sen notes ji küm pongu shi amshiteter aser taila ajizüka yanglutsüji kanga saaker, iba den külemi plastic agi yangluba senji shidi agi yangluba sen dang nungi temerükba. Plastic agi yangluba senji Australia nung mezüng amshia liasü.