Sorkari Rajiv aser Indira Gandhi stamp anentsür

New Delhi, September 16 (Agencies): Tang tasenba postal stamp omen nung ajemdaker taoba Ato kilonser ana- Rajiv Gandhi aser Indira Gandhi na indang stamp amshiba anentsü atema sorkari telemtetba agiogo.

NDA sorkari ‘Builders of Modern India theme’ melenogo, iba nung ya Indira Gandhi aser Rajiv Gandhi na indang stamp densema liasü.

Ajisüaka Jawaharlal Nehru, Mahatma Gandhi, BR Ambedkar aser Mother Teresa nunger indang stamp bo maneni amshitsü.

Tang tasenba ‘definitive theme’ tetezü regular services atema stamp tem, aser iba nung ya nüngtugu nisungtem- Shyama Prasad Mukherjee, Netaji Subhash Chandra Bose, Sardar Vallabhbhai Patel, Shivaji, Maulana Azad, Bhagat Singh, Ram Manohar Lohia aser Maharana Pratap nunger stamp densema lir.

Sorkar ketdangser otongdar kati, “Iba ya teti inyaka aruba inyakyim ka lir. Stamp inoksemba mesüra intokbaji ‘theme’ nung ajemdaker inyaker,” ta ashi.

Tan ita tetenzüklen communication minister Ravi Shankar Prasad-i, linük nung aliba post office ajak nung regular service atema nüngtugu nisungtem indang stamp amshitsüla ta postal department dang tuyua liasü.

“Ozü sorkar nung, linük dak ranglokbaji kibong ka masütsüla. Tangatetbaji balala asütsüa akok, ajisüaka ajak tushitsü,” ta Prasad-i ashi.

Rajiv aser Indira na dak alia Homi J Bhabha, JRD Tata, CV Raman aser Satyajit Ray nunger stamp-a anentsüogo.

Ano regular service atema Bal Gangadhar Tilak, Rajendra Prasad, Srinivasa Ramanujan, Rabindranath Tagore, Subramania Bharati, Bhimsen Joshi, MS Subbulakshmi aser Bismillah Khan nunger stamps amshitsü.