Sorkari Rongmei kin indang telemtetba meyipa agir

Dimapur, April 26 (TYO): August 12, 2012 nü sorkari Rongmei kinji Nagaland nung indigenous Naga tribe rongnung ka ta züngokba meyipa agir, ta tanü Nagaland sorkar sangdong ka nung metetdaktsüogo.
Iba telemtetba ya April 25, 2017 nü Cabinet senden ka amendang agi, ta Deputy Secretary to the Govt. of Nagaland, Nchumbemo Lotha-i sangdong ka nung ashi.
Ajisüaka, December 1, 1963 jakdang Nagaland nung arua aliba Rongmei nunger 1,313, shirnok Nagaland sorkari ‘special enumeration process’ ka ajanga züngsema lir, parnok aser parnok nungi jakzükertem ajak maneni ‘indigenous inhabitants of Nagaland’ kübok temeten angutsü, ta sorkar sangdong nungsa shia lir.