Sorkari subsidised LPG Cylinder 10 dang agütsütsüla : Economic Survey

New Delhi, February 26 (Agencies) : Pre-Budget Economic Survey-i sorkar dang kilen shia nem LPG subsidy Cylinder 12 agütsüba nungi 10 dang agütsütsü atema tebilemba shidangogo.
Tang ya küm nung kilen shia nem LPG cylinder (14.2kg) 12 sen 419.26 yong agütsür. Tang market price nung cylinder ka indang jenjangji sen 575 lir saka sorkari teyari agüja sen 419.26 agi dang agütsür.
“LPG subsidy ya reprangshimtsü nüngdak. Kilen shia nem LPG cylinder 10 dang agütsütsüla” ta Parliament nung pre-Budget Economic Survey osang benokdang ashi.
September 2012 nung Congress-i aniba UPA sorkari of subsidised domestic cylinder ji küm nung kilen shia nem 6 agütsütsü lemtet aser January 2013 nung 9 agi ajungket. Ano January 2014 nung sorkari reprangshimdang küm nung kilen shia nem cylinder 12 agütsütsü telemtetba agi aser April 2014 nungi ibaji mapa küma inyak.
2014-15 atema sorkari LPG cylinder subsidy agütsüba nung Rs. 40,551 crore endok. Yaküm April-December tsüngda Rs. 12,092 crore subsidy agüja liasü.

You must be logged in to post a comment Login