Sorkari takhangba mataloktsüba atema mepelar: Dmr nung aliba colleges

Dimapur, Luroi/August 17 (TYO): Sorkari kaketshirtemi tim nung akhangba onüktem mataloktsüba atema Dimapur nung aliba college kaketshirtem mepelar, ta Dimapur nung aliba college tem- Tetso College, Mount Mary College, Pranabananda Women’s College, Eastern Christian College, Public College of Commerce, City College of Arts & Commerce, M.G.M College, St. John College, Yemne Memorial College, Dimapur Government College, Sakus Mission College, Unity College aser Cornerstone College nung ketdangpurtemi külen sangdong ka ajanga metetdaktsü.
“Kaketshirtemisa, Jotsoma Village Council-i odia mesüra odia mesüaka ANCSU Tir amokmerenba aser kaketshirtem melungjang yirutsüba atema aitsür. ANCSU Tir aser executive züngsemtem dak langka danga atalokra onok kaketshirtemi ola madoki dangbo malitsü,” ta parnoki metetdaktsü.
“Iba ken o nung kechiba ANCSU Tir tenüng amshir, ibaji kaketshirtemi jangjaner, kechiyong pai kaketshirtem tentet tenüng nung jembir,” ta sangdong nungsa shia lir.
“Kaketshirtemisa tarutsü atema lokti tentet balala dang kaketshirtem onük pusemtsü ayongzüker. ANCSU office-i kechisa inyakdir Dimapur nung amenoka aliba College kaketshirtemi kaketshir temeden atemabo kechi atalokdir atalokaka renema dang lir ta bangjemer,” ta kasa sangdong ajanga metetdaktsü.