Sorkari tashi ajak agüja NSCPCR Commission tentetogo

Dimapur, July 07 (TYO): Sorkari Nagaland State Commission for Protection of Child Rights (NSCPCR) ya tashi ajunga aliba independent commission ka kümtsüogo, ta sangdong ka ajanga metetdaktsü.
Nagaland State Commission indang headquarter ji Kohima asütsü aser iba Commission-i Act kübok aliba ama tashi amshia maparen balala inyaktsü.
Mendenbuba aser züngsemtemi office mapa agizükba anogo nungi tenzüka küm asem kümsük inyaktsü.
Mendenbuba aser züngsemtem mapa nung alitsü telatetbaji Act nung latetja aliba ama yanglushitsü, ta kasa sangdong nungsa shia lir.