Soseta asüla Pratyusha Banerjee mashisa liasü:Police

Mumbai, April 19 (Agencies) : Medical osang ajanga tawa soseta asüla, actress Pratyusha Banerjee mashisa liasü ta ashiba tanü Mongulbarnü police-i metetdaktsü.
April 1, 2016 nü Banerjee asüba ya soseta asü südi ta bushisüngdangdar aser iba tatalokba dak sentakba nung tetong Rahul Raj Singh anema ken o benoka lir.
Arishi küm 24 tain, Banerjee indang tissue kar aser tabok nung tanur amongba tesem Mumbai J J Hospital nung tendanga liasü, ta iba tatalokba nung bushisüngdangertem den amalitepa inyaker police ketdangser kati ashi.
La tebok nung aliba tanurji mapang matong dang asü. Iba tanur ya raksatsü merang mesüra langka tim masüba ka agi iba tanur südaktsü, ta mozü kidang tendangdang putetogo.
Küm asem tashi TV show Balika Vadhu nung Anandi ama shilem agiba ajanga Pratyusha Banerjee ya ajaki meteta aküm aser April 1, 2016 nü la aliba tesem Kandivali, Mumbai nung soseta asü ta temulung melemi bilemer.
La ya tango mesapui asü, ta medical tetendangba osang ka ajanga ashi.
Hombarnü Bombay High Court-i tetong Rahul Raj Singh ano hopta ka shi mepui atatsü ta telemtetba ka agiogo.
Goregaon nung Pratyusha Banerjee den külemi alisang Rahul Raj Singh-i la teti merenshia azük. Pai la dang nungi teti sen apu aser la indang account nungia teti sen agizük, ta taoba hopta police report ka benokba nung lir, ta sangdong ka ajanga ashi.