SoundBot-i 4-in-1 LED gaming over-ear headset aser device tem sangdongogo

Luroi/August 03 (Agencies): SoundBot-i 4-in-1 gaming over-ear headset, keyboard, mouse aser mouse pad – SportsBot SS 302 sayaogo. Iba combo pack nung 3-LED keyboard, headset den bass booster switch, 5+1 (scroll wheel) mouse den 4-LED aser gaming mousepad densema lir. Item sangdongba mapang company-i ashiba agi, item device ajunga nung ABS body keta lir aser ibaji ajanga device tem tsükdaktsüdang mesura mekümdangi tsükshia benshidang raksarapong nungi tekümzüktsü agütsür.
SoundBot keyboard nung LED backlight nung Blue, Red aser Purple sentsü option den mouse nung LED backlighting option pezü keta aliba angutsü. Iba den bendenloksema, PC game asyatsü jangrartem atema game asyaba jenjang balala nung display tejangba angutsü atema keyboard nung brightness setting asem tashi inoka yanglutsü. Tajangzük kaji, iba keyboard nungsa anti-ghosting key 26 tashi keta aliba angutsü.
Gaming mouse nung 5+1 (scroll wheel) button aser dpi (dot per inch) resolution indang ‘changeable level’ pezü inoka yanglutsü. Iba den yarisemtsü atema mouse nung keta aliba LED backlight colour den külemi inyaker aser scroll wheel keta lir.
Iba combo pack nung headphones densema lir aser earpads ji shikup agi meyibanga yanglutsü. Headphone nung feature tem talisa 40mm driver, in line volume controller aser microphone keta aliba angutsü. Item device jenjang ajak senteper sen 3990 asütsü.