Sourabh-i Bitburger Open quarter asayatsü ajangzükogo

Saarbrucken, November 04 (Agencies): India nunger badminton asayar Verma adianu, Sourah aser Sameer nati takok ngua, Bitburger Open Grand Prix Gold badminton asayamong tebur singles quarterfinal asayatsü jenajng ajangzükogo.
Sourabh-i minute 42 nung points 21-11 22-20 ngua, Indonesia nunger Ihsan Maulana Mustofa tsükdaktsü aser tan asayamong nung 12 buba jenjang abensang, Sameer-i minute 39 nung points 21-17 21-17 ngua, Britain nunger Kieran Merrilees madak takok angu.
Tawa Chinese Taipei Open takok marok agizüksang, Sourabh-i par quarterfinal asaya tebur World No. 13, Germany nunger Marc Zwibler den asayatsü lemzükogo.
Tenu, Sameer-ia par taruba asaya Ukraine nunger Artem Pochtarov den asayatsü lemzüka lir.
Ano külen, tan asayamong nung 4 buba jenjang abener, Malaysia asayar Kian Meng Tan aser  Pei Jing Lai nati points 21-15 21-11 ngua, India tsür, Prajakta Sawant aser Malaysia nunger Yogendran Khrishnan na mixed doubles asaya nung tsükdaktsüba osang angazükogo.