Sourav Ganguly aser Diego Maradona charity match asayatsü

New Delhi, August 16 (Agencies): Taoba mapang India nunger cricket asayar captain, Sourav Ganguly ya October 2, 2017 anogo Barasat, Kolkata nung ‘Match for Unity’ asaya nung 1986 FIFA World Cup akoker, Diego Maradona den asayatsü.

Ganguly dak alaka taoba mapang India nunger tebur hockey captain, Dhanraj Pillay, Bengali nunger nüngtugu actor Abir Chatterjee aser cricket asayar Manoj Tiwary aser Deep Dasgupta nungera iba charity match nung asayatsü, ta iba asaya ayongertemi ashi.

Iba exhibition match ya Barasat nung aliba Aditya School of Sports nung asayatsü. Maradona ya Kolkata nung October 2 aser 4 nung alitsü imlar.

          Mohun Bagan forward, Sony Norde aser iba club nung tamalen asayar Chima Okorie, Jose Ramirez Barreto aser Odafa Okolie nungera Argentina nunger football asayar mongin den asayatsü lir.

          “Football masayar nüngtugu nisungtem ya asaya tenzüker minute 30 sülen ka khen ka, ta anioktsü. Iba asaya mezüngbuba shilem nung shidakba football asayadaktsünür. Aser iba nükjidong ya Maradona den asayatsü asoshi nisung ajak nem maongka agütsünür,” ta Maradona India-i arutsü aliba sentong ajungkettsür, Satadru Dutta-i osangbener dang Bodhbarnü ashi.

          Taoba mapang India nunger asayar Prasun Banerjee, Carlton Chapman aser Dipendu Biswas nungera iba asaya nung shilem agitsü.

          Iba asaya nung shilem agitsü asoshi taoba mapang India nunger football asayar captain, Bhaichung Bhutia danga asüngdangogo aser pa indang telangzüba atar, ta osang ka ajanga ashi.