
Mumbai, October 25 (Agencies): Wankhede Stadium nung Deobar nü One-Day International (ODI) tatembang buba asaya nung South Africa nunger Faf du Plessis, AB de Villiers aser Quinton de Kock nungeri runs noklang ka ka dak tema yangluteta parnoki India telok runs 214 agi kokogo. Tanü akokba ajanga tan linük ana tsüngda ODI pongu asayaba nung SA-i 3-2 agi India madak takok nguogo.
Tanü asaya nung du Plessis-i ball 115 nung runs 133, de Villiers-i ball 61 nung runs 119 aser de Kock-i ball 87 nung runs 109 yangluba ajanga over 50 nung South Africa-i runs ajak agi 438 yangluteta yutsü.
Iba sülen India team batting aliba mapang Ajinkya Rahane-i ball 58 nung runs 87 aser Shikhar Dhawan-i ball 59 nung runs 60 yangluba dak alaka shingaia runs meyalutetba ajanga over 35.5 buba nung India batsman ajak out süadok.
South Africa nungi bowler Kagiso Rabada-i wicket 4 aser Dale Steyn-i wicket asem agia liasü.
Iba asaya nung India team nungi Virat Kohli-i runs 7, Suresh Raina-i 12, Axar Patel-i 5 aser Mahendra Singh Dhoni-i 27 yangluteta liasü.
You must be logged in to post a comment Login