South Africa linük kübok Durban yimti nung 2022 küm Commonwealth Games alitsü

2022 küm 22 buba Commonwealth Games asayamung South Africa linük kübok Durban yimti nung alitsü shimtetogo aser iba asayamung ya Africa linük nungbo mezüngbuba asütsü.

Federation general assembly, New Zealand nung alidang iba yimti nung asayatsü shimtet kechiba süra tanga linüktemi iba küm nung asayatsüba asüngdanga shidi kecha zülua maliasü.

Iba asayamung ya July, 18 nungi 30 July tashi asayatsü aser asaya sentong lapokbaji taoba Africa Tir, Nelson Mandela tasoba anogo nung amungtsü.

21 buba Commonwealth Games asayaji Australia linük City of Gold Coast yimti nung 2018 küm alitsü. Iba saisapong nung Commonwealth linük 50 nung adenshia asayatsü.

Commonwealth games mezüngbuba 1930 küm tenzük aser iba asaya ya küm pezü sülen ano tanaben asaya arur. India nunga 19 buba Commonwealth Games New Delhi nung 2010 küm October 3 nung 14 tashi asayaogo.