South Asian Games temaitsü noksa lapokogo

Guwahati, December 13,2015 : 12buba South Asian Games, 2016 (OC SAG) Organising Committee temi Deobarnü asayamung temaitsü shiruru aser noksa na sentong ka agia lapokogo. Iba sentong ya ITA Cultural Center Machkhowa nung agi aser sentong nung CM Tarun Gogoi, Union sports minister Sarbananda Sonowal aser Meghalaya sports minister Zenith Sangma nungera shilem agi.
Guwahati aser Shillong na nung February 6 nungi 16, 2016 nü tashi amungtsü aliba asayamung nung asayar 4,500 shi den linük ti nungi ketdangsertem shilem agitsü. Saisapong ajak agi 23 asayatsü. 12buba South Asian Games atema temaitsü shiruru asütsü shimtetba, Tikhor ta ajaba kentok chanu korang anüng sentsü aser T-shirt temerem semer tangokba noksa nung angur. Tikhor aser tu jang ti keta aliba naro, asayamung temaitsü noksa na lapokba mapang CM Tarun Gogoi aser Union sports minister Sarbananda Sonowal nati Tikhor dak amer tangkoba noksa angur.