South Garo Hills nung shiti telok kati ki asem raksatsü

Tura, April 04 (Agencies): South Garo Hills, Bangladesh den International arrtsü nung Dalupara yimdak shiti telok ka adoka ki asem khenyongi raksatsüogo, iba ajanga nüburtem tetsübu nung lir.
Ki bentsüba asemji, Winston R Marak (35), Lokesh A Sangma (25) aser Mini Marak (48) nunger ki ta jangjaogo. Iba tatalokba anepdang 4:00 ako shi nung atalok.
“Shiti adoka ki raksatsüba mapang nung tzünglu kanga sashia arua liasü, saka yimdaklirtem kanga kümdanga aliba ajanga asüamababo kecha matalok,” ta osang ka ajanga metetdaktsü.
Iba tatalokba ya anogo ana tejakdang West Garo Hills nung Gaptuli tesem anasa shiti telok kati tesayur ka ajemsetba sülen atalok.