South Korea Tir Park Geun-hye-i US semdangtsü

Seoul, October 11 (Agencies): Taruba hopta US Tir Barack Obama den nüngdakba olemtep ka akatsü asoshi South Korea Tir Park Geun-hye-i US semdangtsü, ta Tir office sangdong ka ajanga Deobar nü metetdaktsüogo.
Tir Park Geun-hye ya tan Mongulbar nü US atongtsü. 2013 küm semdangba aser tang na zünga, lai official süa US semdangba tanaben buba asütsü, ta Xinhua news agency ajanga sangdong.
La Mongulbar nü US tongaka olemtepbo Hokolbar nü ang akatsü aser tan agi linük ana tsüngda iba ama senden pezübenbuba akar asütsü.
Foreign affairs nung Park asoshi senior advisor, Ju Chul-ki-i, tan senden ajanga lennir ana tsüngda Korea Peninsula aser US o South Korea tesendaktep tsütsü shisa lemsateptsü asoshi maongka lapoktsütsü, ta ashi.
Park-i tan US semdangba mapang Pentagon-a la atema mezüngsüa semdangtsü sentong lir.
South Korea Tir rongnung US defense ministry headquarter semdangerji la tanabula asütsü.