South Tura by-poll atema Congress puri tetsür candidate ka shim

Shillong, Chiteni/July 30 (Agencies): South Tura by-poll koba Lorui/August 23 nü akatsü ali, iba nung tokteptsü atema Congress puri tetsür candidate ka yoktsü asoshi renema lir.
Congress election committee-i Küptoknü Tura menden atema chief minister Conrad Sangma den tokteptsü asoshi Charlotte W Momin tenüng agizükogo.
South Tura menden nung tokteptsü asoshi Congress pur applicant tem rongnung Momin kija liasü.
Party tir Celestine Lyngdoh-i ashiba agi, Momin tenüng ya AICC dangi temelaba agitsü atema yoktsü.
Momin ya taoba mapang nung Tura government public school principal inyaka liasü.
Tawa taoba MLA John Leslee Sangma-ia iba by-poll nung tokteptsü asoshi telemtetba agiba sangdongogo.
Congress puri iba menden nung tokteptsü asoshi tetsür candidate ka shimba ya kanga tongtibang lir, kechiyong iba menden ya taoba MLA Agatha Sangma-i bena liasü.