Southern film industry Bollywood dang tuluba lir: Shivrajkumar

Hyderabad  January 24, 2016: Kannada film actor Shivrajkumar-i, southern film industry ya Bollywood dang tuluba ta bilemer aser film award aika iba industry ajanga angur, ta Deobarnü ashi.
“South film industry ya India cinema atema ajaklen nungi kanga tongtibang lir. Ni ashitsü agi iba ya Bollywood dang nungia industry tuluba lir. Hindi cinema ajak south, Chennai nungi tenzük,” ta IIFA Utsavam sentong nung Shivrajkumar-i osangbenertemdang ashi.
IIFA Utsavam sentong ya south film nung sempet tajung alirtem tushiba ananü amungba benjung sentong ka lir.
South film industry tenzüker küm 16buba nung International Indian Film Academy (IIFA)-i iba industry-a Utsavam nung densemdaktsüogo.
“Mapang talangka ataogo, ajisüaka shilem agitettba asoshi ni kanga pelar,” ta pa ashi.