Southgate-i England team nung asayar tasen 4 shimokogo

Manchester, Luroi/August 29 (Agencies): England manager Gareth Southgate-i September ita Euro 2020 qualifiers nung Bulgaria aser Kosovo den asayatsü atem squad nung asayar tesen pezü shimokogo.
Manchester United right back Aaron Wan-Bissaka, Aston Villa nungi asayar centre half Tyrone Mings aser Leicester City nungi midfielders James Maddison aser Chelsea nungi Mason Mount nunger ajak shimogo.
Squad nung maneni right-back Kieran Trippier aniokogo, shiba tawa Tottenham Hotspur nungi Atletico Madrid-i ogo aser Spurs midfielder Harry Winks aser Liverpool nungi Alex Oxlade-Chamberlain nata squad nung aniokogo.
Ajisüaka Manchester City full back Kyle Walker atema quad nung jenjang melei kümogo.
“European Championships atema squad meshim tsüngda onok asaya ti dang asayatsü lir. September ita ya squad shimtsü tasak lir kechiyong club jenjang nung asaya tatakzük lir,” ta Southgate-i ashi.
Wan-Bissaka ya Crystal Palace nungi United-i season tembangba sülen aru aser pa club melenshir kanga junga asayaba ngua Southgate temulung süogo.
“Onoki taoba küm pa asadanga laisü. Pai tensa kanga junga azüoka asayadar. Fan 70,000 matsüngdang asayatsü ya kanga temela masü,” ta paisa ashi.
Oxlade-Chamberlain tanaben team nung aniokba ya taoksatsüka lir kechiyong pa yirur mapang talangka masayai lir tangang asayatenzüka odar.
Mount, Netherlands nung Vitesse Arnhem nungi asayaba sülen taoba season second tier Derby County nungi asayaogo aser Chelsea nungi asaya asem nungdang shilem agiba sülen team nung aniokogo.
Kasa mapang nung goalkeeper Jack Butland first choice Jordan Pickford indang back-up liasü saka Pickford team nung maniok aser Burnley nungi Nick Pope aser Aston Villa nungi Tom Heaton na aniokogo
England team Bulgaria den Wembley nung September 7 nü asyatsü aser Kosovo den Southampton indang St Mary’s stadium nung anogo asem lir asayatsü.