Sovima nung One Day Cricket Tri-Sereis asayar

Dimapur, December 20 (TYO): Dimapur kübok Sovima nung tentetba NCA Stadium nung Under-23 One Day Cricket Tri-Series asayatsü tenzüka lir.
King Bird Sports, Delhi nungi teyari agia, Nagaland Cricket Association (NCA)-i iba asayamong ya ayongogo.
Tanü asaya nung Nagaland teloki runs 40 agi Manipur telok madak takok ngua liasü.
Manipur teloki mezüng fielding asütsü lemtet aser Sedezalie, Punchu, Nagaho aser Akavi nungeri runs 71, 14, 13 aser 11 yangluba densema par Nagaland teloki overs 46.6 nung runs 166 yanglu.
Tesülen, Mahesh, Guniram aser Kannady nungeri runs 43, 18 aser 14 yangluba densema par Manipur teloki overs 40.3 nung runs 126 dang yangluba yong par teloki tanü tamakok ajuru.
Manipur teloki Jorhat nung tentetba Upper Assam telok den asüng, Hombar nü asayatsü lemzüka lir.