Sovima T20 atema Brotherhood Cricket team renema lir

Kohima nungi Brotherhood Cricket Team, 2buba Sovima T20 asayamung mapang Sovima Cricket Stadium nung tangokba yangi angur.

Kohima, Metsüremi/March 2 (TYO): Kohima nungi Brotherhood Cricket Team, 2buba Sovima T20 asayamung asayatsü asoshi renema lir, koba Dimapur nung Hombarnü tenzükogo. Kohima nungi team nung ya Utter Pradesh nungia asayar asem densema lir.
10 Northern Angami I Assembly Constituency, NPF MLA Khriehu Liezietsu aser Keviselhou Sekhose nati Brotherhood Cricket Team team sponsore asü. Brotherhood Team ya 2014 küm Liezietsu aser Sekhose nati achayanga tentet. Iba team ya Kohima nung aliba lanur aser talisa Naga nunger lanurtem saisapong, kentenmenu aser art nung ajungkettsü nükjidong yur iba team tentet.
Temetettsükaji Brotherhood Cricket Team ya mezüngbuba Sovima 720 Gold Cup 2018 nung runner up liasü.