Sovran aser Züngamedem teloki quarter final tongogo

Mokokchung, January 13 (TYO): Tang tasayadak MDCA Inter Club T20 Cricket asayamung, Hokolbarnü asayaba nung Züngamedem CC aser Sovran CC-i takok ngua parnok telok ana Quarter Final-i iogo. Tang tashi nung Quarter Final atonger telokji Züngamedem CC, Sovran CC, Titans CC aser Brotherhood CC teloktem lir.
Mezüng asayaba nung Zero Boys teloki 85 runs yanglua liasü aser Züngamedem teloki over 16.1 nung wicket tugur run 86 yangluteta takok angu. Futin-i runs 19 aser Moalong-i runs 14 ngua liasü. Zero Boys nungi Alongba-i runs 17 agütsü aser wicket pezü agia liasü aser ibaji ajanga iba asayamung nung pa wicket timba agir kümogo.
Zero Boys nungi runs timtiba angusangji Moatemjen liasü aser pai runs 17 angu. Züngamedem telok nungi Bendangwapang-i runs 11 agüja wicket asem aser Temjentoshi-i runs 17 agüja wicket ana agi.
Iba asaya akokba ajanga Züngamedem telok ya Pool B nung temaba jenjangi tuogo. Par telok asemben asaya liasü aser khen-a tamakok malu. Pool B nung tanüngba team nungi Quarter Final-i aitsü asoshi asüng first match nung asayatsü.
Tanabuba asaya nung Tuli ADC XI teloki makoktsü amai liasü saka par teloki runs 9 aki taoba küm final asayar Sovran telok madak takok angu. Sovran bowler temi kanga junga aonba ajanga over 16.1 nung ajak out sütsü aser runs 78 tang agüja liasü.
Sovran telok nungi Merenchemba, Temjenrenba aser Lumong nungeri wicket anana agia liasü. Tuli ADC XI nungi Temjenjungshi-i runs 14 agia par telok nungi pai runs timba nguteta liasü. Sovran telok nungi batsmen temi par Pool nung temaba jenjang angutsü asoshi net run tajung aginüa azüktang par teloksa tamakoker aküm.
Sovran telok nungi batsmen mezüng amener Yongsamong (22 runs) aser Imtisunep (12 runs) nati kanga junga asayaba ajanga par teloki over pezü nung runs 45 ngua liasü. Saka Tuli ADC XI nungi Hazarat Adam aser Temsuinba nati ball kanga junga aonba ajanga Sovran telok nungi batsmen tem kanga mejungi akoksatsü.
Hazarat-i runs 12 agüja wicket trok agi aser Temsüinba-i runs 15 agüja wicket pezü agia liasü.
Sovran teloki iba asaya mekoaka par telok net run tajungba asüba ajanga par telok Quarter Final atema qualify süoko. Pool A nung Titans CC temaba jenjang aser Sovran telok tanabuba jenjang nung Quarter asayatsü maongka ngutetogo.
Tanü asayatsüpurtem:
8:00AM- Trebuchet CC v/s Longmiasang CC
11:30AM- Suzerain CC v/s Jovial CC