SP sorkari maneni yimsü asütsü temeten mali: Rajnath

New Delhi, April 03 (Agencies): Uttar Pradesh nung Chief minister, Akhilesh Yadav aitsüba olen ka nung Union Home Minister, Rajnath Singh-i, nüburtem tebilemtsü atema meinyakba sorkar kati maneni yimsü asütsü temeten mali, ta ashi.
Tanü ‘Adhikaar Dilao Rally’ nung jembidang Rajnath-i, “Nüburtem tebilemtsü onüktem atema meinyakba sorkar ka maneni tashi nung alitsüji temeten mali, ibaji kü tangatetba,” ta pai ashi.
Senotsü ishika dang lemzüktsüba atema ola adokbaji tai, ta paisa ashi.
“Ni-a Chief Minister inyakdangogo aser state senpong nung sen aika lir. Nai telemtetba dang nüngdaker,” ta pai ashi.
Senotsü tera dang lemzüktsü ta shia nüburtem ashioktsübaji tai, ta paisa ashi.
“Central saru senpong nungi Centre-i state nem lemzüktsüba senji independent India nung timtiba lir. Ato kilonser Narendra Modi-i state tem indang share ji shilem 32 nungi shilem 42 tutsü,” ta pai ashi.
Union minister Singh-i ashiba agi, item tebilemtsütem koktettsü atema pai item onüktem nung state tem den jembiogo.