‘Space Jam 2’ 2021 nung sayatsü

Tsüklai/February 23 (Agencies): Nüngtugo basketball asayar mongin LeBron James densema yanglutsü aliba ‘Space Jam 2’ film sayatsü atema anogo sangdongogo.
Production house kibur James-i, iba film ya US theatre tem nung July 16, 2021 nü nungi tenzüka sayatsü ta osang jangjatsüogo.
NBA off-season mapang kanga dang yongya aliba tatongtep film sayatsü tebilemba liasü saka iba maparen takok mengutet. Taoba film Space Jam nung Michael Jordan den Bugs Bunny-i shilem agia liasü.
Film ya Terence Nance-i direct aser ‘Black Panther’ direct asüsang Ryan Coogler-i produce asütsü.
2015 küm sayaba Amy Schumer indang ‘Trainwreck’ nung James-i mezüng takok ngua shilem agiba sülen James-i iba film nung shilem agiba angutsü.
1996 küm ‘Space Jam’ saya liasü aser iba ya live-action/animated film ka liasü kong Looney Tunes character tem den basketball star aser alien temi shilem agiogo. Maneni, iba sequel atema Bugs Bunny character anioktsü imlar, ta osang ajangasa metetdaktsü.