Space ya tesüngmangtsü ka lir

Meimchir shisatsü agi shishadanga aser asadangtettsü makokba universe nung galaxy billion aika lir aser item galaxy nung ‘object’ trillion sa trillion apongdaka lir. Space nung tzü aser mopung mali, ibayongji radio ajanga astronaut tem osang belener.
* Solar system nung Venus planet ya tatsüktiba lir aser iba planet indang surface temperature 450° C asütsü.
* Planet ajak rongnung (Earth dak alaka), Mars ya takum litettsüsa tetemjem tesem ka asütsü akok ta scientist temi bushitetogo. 1986 küm, NASA-i iba planet (Mars) nung long ka nung fossils aliba ngutetta liasü.
* NASA spacesuit jenjang Us dollar million 12 shii lir. Spacesuit nung aketba backpack aser module na spacesuit jenjang shilem 70 shii asütsü.
* Neutron star yagi second ka nung 600 ben tashi alonger.
* Moon nung astronaut tem jajaba jangtepji küm million ka atema alitsü.
* Mapang ka nungbo ita ya alima indang shilem ka liasü.
* Mars nung Olympus Mons ta nüngja agütsüba ‘Volcano’ lir aser iba volcano tasazükji Mt. Everest dang nungi asemben agi tuluba asütsü.