Spain-i European Basketball Championship takok marok agizükogo

Paris, September 21 (Agencies): Spain’er basketball teloki Lithuania telok madak points 80-63 agi final asaya koka European Basketball Championships takok marok yashi Deobar nü agizükogo.
Spain asayar, Pau Gasol-i points 25, rebound 12, assists 4 aser blocked shots 3 tashi yanglua iba asayamong indang Most Valuable Player sempet agizükba osanga jangjaogo.
France telokia points 81-68 agi Serbia madak takok ngua bronze medal agizüka liasü.