Madrid, October 20 (Agencies): Arishi küm 22 tain, Spain tsür ka Islamic State (IS) telungpur den tesendaktep aliba ajanga Spain yimtiba Madrid nung Mongolbar nü pua lir.
Interior ministry nung ketdangsertemi ashiba agi, La ya Syria nung oa IS telok nung züngsem akümtsü asoshi Madird nung aliba Barajas tayimtsü anenba tesem nungi Turkey-i aotsü lia ‘Civil Guard’ temi apu, ta EFE osang ajanga metetdaktsü.
La ya tawa ang Islam tamangba yimsü dangi meyip aser internet ajanga IS telok den kanga tongtepratepa tesendaktep ayur, ta ketdangsertemi mulung melemi bilemer.
October 4 nüa IS telok nung adentsü atema tetsür aniokba dak sentakba nung tebur ana den tetsür ka pua lir.
Span Interior Minister Jorge Fernandez Diaz-i, tesüiba küm pezü tsüngta nung jihad telok den tesendaktep alir nisung 156 tashi puogo, ta ashi.
Spain nung IS den sendaktepa alir tetsür ka apu added by asungba on
View all posts by asungba →
You must be logged in to post a comment Login