Spain sorkar tasenba tentettsü alizüng lir: Rajoy

Madrid, January 13 (Agencies): Tan January ita tatembanglen tashi nung Spain sorkar tasenba tentettsü asoshi alizüng ayuba osang ka Spain Ato Kilonser menden abensang, Mariano Rajoy-i tanü Bodbar nü metetdaktsüogo.

Spain sorkar tasenba tentettsü onük ya Spain’er parliament yimsüsürtemi vote agüja tatem küma lemtetba sülen yimtenren telok balalai loktepa Spain sorkar tasenbaji tentettsü.

Rajoy-i aniba People’s Party (PP) yimtenren teloki taoba December ita 20 nü agiba election nung vote timba ngua temba jenjang angu saka par telok kijai sorkar tasenba tentettsüsa jenjangbo mongutet.