Speaker-i Bangladesh PM Hasina Sheikh ajuru

Dhaka/New Delhi, April 02 (Agencies): Lok Sabha Speaker, Sumitra Mahajan leniba nung MP tem teshimtet telok ka 136buba Inter-Parliamentary Union (IPU) Assembly nung adentsü atema Bangladesh yimtiba, Dhaka-i ogo aser tanü Mahajan-i Bangladesh Ato kilonser, Sheikh Hasina ajurua liasü.
Mahajan-i, India aser Bangladesh tesendaktepji India atema kanga tongtibang, ta ashi.
Laisa, nüburtem ajangzüktsü aser azükarutsü atema India-i Bangladesh den iba tesendaktep tajungba küma yangluner aser rongsenkettsüng terenlok nunga partner süner, ta metetdaktsü.
Bangladesh-i kiralongra aser telungpurtem anema inyakba nung India-ia pusemer, ta laisa ashi.
Ano Sheikh Hasina-ia sangdong ka ajanga, Bangladesh aser India na akhidang nungi tesendaktep tajung alibaji tarutsü nunga kasa alitsü imlar, ta ashi.
Tanep Mahajan-i Assembly omen, “Redressing Inequalities: Delivering on Dignity and Well-being for all” nung jembia liasü.
Iba omen nung jembidang Mahajan-i, nija kaji lokti ajangzükdaktsütsü atema alitsüla aser ibaji ajanga alima ajak ayimjemtsü, ta ashi.
Laisa, maongka junga mangurtem atema aser parnok temetenten kümzüka ayutsü atema India-i reju aika amenokogo, ta metetdaktsü.
Tawa India-i 2030 Sustainable Development Goals atema inyaktsü bangjemba ajanga sensaktia, temeten kümzüka ayuba aser tetsürtem anema inyakbatem ongdang taliba koktettsü, ta laisa ashi.