Speaker-i Naga yimten tebilemtsü atema NLF senden jateper

Kohima, February 3 (Agencies): Nagaland Legislative Assembly Speaker aser Nagaland Legislators Forum nung parliamentary working committee chairman, Chotisuh Sazo-i Naga yimten tebilemtsü atema senden ka amentsü ayongzükogo.
Sendenji February 8 nü Nagaland Legislative Assembly nung agitsü anungji parliamentary working committee züngsem ajak arua adentsü mepishia metetdaktsür, ta Nagaland Assembly commissioner & secretary N Benjamin Newmai-i sangdong ka nung ashi.
Ano, February 8 anepdang 10:00 ako nungi Legislators Forum on AIDS (LFA) pur Assembly conference hall nung annual general meeting agitsü.
LFA state consultant Dr Vinito L Chishi-i sangdong ka nung, Nagaland Legislative Assembly züngsem ajak iba senden nung arua adentsü mepishia metetdaktsü.
Iba senden nung mendenji Speaker & LFA convener asütsü aser tetushi süa jaokerji chief minister & LFA chief patron alitsü, ta Dr Vinito L Chishi-isa sangdong nung shia lir.