Spear Corps-i bike rally tanabuba leg tenzüktsüogo

Dimapur, metsüremi/March 15 (TYO): Lt General, Abhijit S Pendharkar, AVSM, YSM, General Commanding Officer, Spear Corps-i March 15 nü Ranagapahar Military Station, Dimapur, Nagaland nungi 3,900 Kms bike rally tanabuba leg tenzüktsüogo.

Anogo 15 atema ayongzükba mega bike rally koba Vijaynagar, Arunachal Pradesh nung tenzük iba rally ya state teku sema aotsü aser March 23 nü Rann of Kutch, Gujarat atongtsü. Iba rally yagi tang tashi nung km 550 ayimjema state ana semdangogo aser iba mapang Ex-Servicemen 200 dak tema den sensaksema liasü.

Biker temi asür Rfn Lamtu Tikhak, shiba Tangsa nunger rongnungi mezüngbuba Assam Rifles liasü, par semchir Mintu Tikhak ajurua tetushi agüsüogo. Indian Army, Assam Rifles aser Arunachal Pradesh nungi biker 12 ya maneni ExServicemen tem den ajurutepa aotsü aser iba mapang linük yangertsü atema parnoki mapa tajung inyaka toktsüba atema parnok nem tenüngsang agütsütsü. Bikers tem yagisa school tanurtem den sensaksema parnok Indian Armed Forces nung adentsü ajungshitsü.