‘Special Category States’ shimtetba osang

New Delhi, December 15 (Agencies): Taoba nung National Development Council-i States ishika sentong balala aser ‘special consideration’ nung ajemdaker ‘Special Category Status’ aguja lir. Iba sentong kübok telemsa balala nung inyakyim teküpolen agüja lir:-
i) Athang lima
ii) Netsüng yongsük ishika aliba/ tribal netsüng yongsük timba aliba
iii) Linuk danga den arr sadanga aliba
iv) Rongsen kettsüng aser terenlok balala tsütsü tangar memenepba
v) State nung sen shitak mamshitetba.
Rajya Sabha nung Minister of State (Independent Charge) for Planning, Rao Inderjit
Singh-i iba osang tezüluba ka ajanga metetdaktsü.
14buba Finance Commission-i taoba shilem 32 dang nungi shilem 42 agi timba küma 2015-20 tsüngda central taxes nungi shilem tuluba agütsütsü telemtetba agiogo aser ibaji ajanga states temi fund anguba timba küma scheme balala nung amshitsü akok, ta Minister-i ashi.
Central taxes nungi Bihar nem 2014-15 atema sen crore 63 agütsü saka 2015-16 küm asoshi sen crore 50,748 agi timba kümogo.
Bihar nem Rashtriya Sam Vikas Yojana ajanga ‘Special Plan’ atema 2003- 04 nungi sen crore 1000 küm shia noklang nung noklang temelaba agütsü, ta pai ashi. Iba kasa lemzüktsübaji ‘Backward Regions Grant Fund’ ajanga ‘Eleventh Plan period’ nung agütsütsü lemtetogo. 2010 -11 atem sen crore 2000 liasu aser 2011-12 atema sen crore 1470 lemzuktsu. 2012-13 nunga Bihar indang Special Plan ji maneni agütsü aser ibaji atema sen crore 1500 lemzüktsü. Bihar atema Special Plan ji anosa maneni küm pezü atema (2013-14 nungi 2016-17 tashi) ‘Twelfth Five Year Plan’ snetong kübok sen crore 12,000 agüja project tasen (Rs 10,500 crore) aser inyaka aliba project nüngdak nung amshitsü lemtet.
2015-16 nung Bihar nem development balala (highways, lemang, power, etc) nung amshitsü atema sen crore 1.25 agütsü.
2015-16 küm LWE districts atema khen atema teyari sen crore 1000 agizüktsü.
Union sorkar nungi States tem nem centre-i sen enokja Scheme balala aser ‘Devolution’ ajanga agütsüba jaki terenlok atema States tem resources timba angur ta pai shisem.